[香港素食餐廳] 長沙灣 | 三寶素食

長沙灣新開業齋鋪，一對夫妻加個小朋友打理，主打素食壽司卷，另外也有炒飯和每日不同的自選兩餸飯。菜式部分含蛋奶，店內有張紙仔列晒出嚟，有需要走蛋奶可以落單講聲。街坊式親切服務，食物即叫即製，簡單美味。

搭地鐵的話可以在長沙灣地鐵站C2出口行過去，門口有好大個素字，隔一條街都睇到。

入面無咩裝修可言，就係一間踏實的街坊小店。

部分食材和醬料含蛋奶成分，特登有張表列晒出嚟，落單時亦可以同老闆講聲。

主打係壽司卷，提供四款套餐俾你揀。每日亦有不同小菜飯餐，也可以吃其他炒粉麵飯，都幾多選擇。

整體上都係中式齋鋪的配搭，簡簡單單咁。

芒果太卷HK$28 / 牛油果卷HK$18 / 福袋壽司 HK$22/2件

本來想叫套餐但又想食芒果卷，老闆就叫我散嗌，佢話價錢係一樣。佢個醋飯幾好食，芒果勁大舊，平平地都食得滿意既，住附近的話可以當飯堂。順帶一提，如果想飲湯只需加HK$3，另有水和熱茶任飲，是那種佛心齋鋪。

三寶素食

地址：長沙灣蘇屋昌華街38號

電話：61590949

營業時間：11:30–15:30、17:30–20:30(星期日至五)、17:30–20:30(星期六)