.png)
來自馬來西亞的豆乳專門店，產品全部用有機黃豆製作，使用日本技術蒸煮黃豆，豆乳除了特別濃郁，蛋白質成分也比較高，非常適合素食者和健身人士。必試當然係豆乳咖啡，還有全港創家豆奶蓋，自家製豆腐花和豆乳雪花冰也很贊呢！
*除了咖椰鮮油多，其他均為VEGAN。
葵芳新都會廣場四樓，即係地鐵站天橋再上一層，地點都幾就腳。
現場設少量座位可以堂食。
店內豆乳均使用有機黃豆製作，枝裝豆乳有無糖和低糖選擇，一次買幾枝又有折，我見都幾多人買來飲。
我試了一枝低糖黑芝麻豆乳，飲落超級濃郁，唔係好似水咁流質的豆漿，飲完會飽肚可以當一餐減肥餐。
朱古力奧利奧加豆奶蓋 HK$46
這次特別來試這個豆奶蓋，它是用有機豆乳加上純素忌廉製成，入面沒有牛奶成分，食落幾清爽，無芝士奶蓋咁肥同咁膩。
美式海鹽豆奶蓋 HK$42 / 桂花咖啡豆奶拿鐵 HK$36 / 抹茶有機豆奶 HK$38 / 斑蘭咖椰鮮油多士 HK$36
小店的咖啡都很專業，如果你平常鍾意飲咖啡，但又唔鍾意加錢轉豆奶，來這裡飲就對了！使用自家製無糖有機豆乳，健康又合我口味！下午茶仲可以食到馬來西亞名物咖椰多，我覺得多士就一般般，醫肚可以揀返食甜品。
桃膠豆腐布丁 HK$38 / 豆腐花A HK$48
各種甜品都係豆製品，豆腐花和豆腐布丁必不可少，我推薦這家的豆花，豆味超香濃，個薑糖漿辣辣好好味，三色芋圓全部大粒又煙韌。
多芒小丸子雪豆乳 HK$78
用豆乳雪成冰再打雪花冰，夏天必定要試。除了芒果，還有朱古力、抹茶和焙茶等多款口味。豆乳冰食落真係豆乳味都幾有趣，新鮮芒果再加芒果汁清新鮮甜。
介紹俾需要蛋白質的朋友啦。
Soymylk Co
地址：新界葵芳新都會廣場493A
營業時間：10:00–21:00
+++++
Δ 版權所有 (歡迎轉貼連結。嚴禁全篇圖文轉載！)
Comments