.png)
中式素食自助餐食得多，想唔想試下印度菜先？這間開業超過四十年的印度素食店，灣仔新店推出午市自助餐，十數個菜式任拎任食，包埋DOSA、naan及一杯飲品，計埋加一HK$152/位落樓，適合睇menu咩都想試下嘅人。
這天去灣仔會展逛旅遊展，想起附近有Woodlands灣仔新店，又好耐無食印度菜，正好去食餐勁既。
入面裝修幾靚，環境寬敞，光猛也華麗。
青綠色為主調，跟尖沙咀店風格近似。
這間是素食餐廳，菜式有蛋奶素也有純素，也有JAIN，即係不吃泥土以下蔬菜的素食，如有特別要求都可以跟店員提出。
純素另外有一份menu。
活蘭最出名係巨DOSA，有幾個朋友一齊食可以叫下。
自己來吃散叫試唔到好多款，所以自助餐比較開心。
大概有十個印度菜式，另有沙律、水果和各種印度醬汁，中間店有湯有飯，唔好以為印度菜只有咖哩。
似冬甩的炸扁豆米團原來好好食，不過望個樣都覺得係肥仔野。芝士蔬菜串燒的芝士我好期待，不過食落略乾身。倒是隔離的小玉米炒甜青椒勁好食，我食左好多。
飲品可以揀印度奶茶、汽水或檸檬汁，印度香料奶茶的杯子很可愛，糖係自己加，可以飲無糖。小碗裝的是蔬菜燉，原來即係蔬菜湯，入面有成粒小洋蔥我覺得很可愛。
咖哩有辣有唔辣，味道全都不一樣，另外提你要加乳酪醬和薄荷醬等各種做配搭。想食DOSA和naan的話要向店員落單，雖然都係迷你版，但食完都幾飽。
喜歡印度菜的朋友記得去試下。
Woodlands (Wanchai) Indian Vegetarian Restaurant活蘭印度素食
地址：灣仔盧押道20號其康大廈1樓
電話：21292188
營業時間：11:30–15:00、18:00–23:00
Comments