.png)
灣仔這間素食餐廳位處花店之內，用餐的時候被綠色植物包圍非常寫意。午餐、下午茶和晚市供應不同套餐組合，一個價錢有齊小食、甜品和飲品，自己獨享或叫幾個餐同朋友一齊食都好開心。
。蛋奶素
。純素
灣仔道一號前身是舊灣仔街市，活化後改成住宅和商場，素食餐廳位於地下。由灣仔地鐵站A3出口行過去唔遠。
空間與花店共享，所以到處都看到綠色植物，就像在溫室花園內用餐一樣。
座位唔算多，之前試過午飯時間來超爆滿等唔到位。場內都幾多大檯，適合約幾個朋友家人一齊食。
最豐富的特上套餐，一個價錢包五樣野。
OL小鳥胃可以揀輕食餐，一定夠飽。
最近也新推出全新下午茶。
有咖啡飲㗎.，可以加錢轉豆奶或燕麥奶。
甜品中式西式都有得食。
鹽酥素雞脾+川辣杏鮑菇 HK$78
令人好想食的小食配搭，素雞脾酥脆香口，杏鮑菇不是炸的不怕熱氣，川辣粉香氣十足。
甘筍雜菜湯 / 乾鍋菜花 / 楊枝甘露
餐湯每日不同，今天喝這個我很喜歡，濃郁好味又唔會太甘筍。乾鍋菜花也是加了川辣粉，我覺得唔算太辣，帶點鹹鹹香香。不過如果平時完全唔食得辣就分開上比較穩陣啦。
同甜品一齊上有點奇怪，差點mix了些辣粉進去。口味不會太甜，入面都幾多芒果肉，滿足滿足。
四重芝士Impossible Meat肉醬流心蛋扁意粉 HK$152
喜歡吃芝士很難不揀這個，素肉醬整得幾好食，中間仲有隻流心蛋幾爽。
豆奶咖啡 +HK$19
咖啡可以加錢轉植物奶，中規中距啦。
朱古力心太軟+3.6軟雪糕 HK$70
碟邊透明那些原來是果凍，我還在想為什麼有幾粒冰XD 朱古力心太軟可惜差少少先流心，雪糕奶味非常香濃，配脆皮朱古力和朱古力醬很好吃。
餐廳資料
OVOCafe
地址：灣仔灣仔道1號地下
電話：25276011
營業時間：12:00–22:00
Comments