.png)
知味駅壽司手卷即叫即做，賣相精緻之餘又幾好食，真係可以再encore喎。
美食廣場位於八樓，目前還在裝修當中，我都係一次上來搵食，原來咁大同埋有咁多間鋪頭。這天是十一點半左右到達，未到午飯時間好多空位，一過十二點就人頭湧湧架啦！
知味駅專門賣素食壽司，之前有聽人講過，評價都唔錯咁樣。
素壽司和卷物都幾多款式，大部分都係蛋素，卷物一份4件、壽司一份2件，第一次食都幾花多眼乳既。
另外仲有日式小吃、刺身和飯麵之類，看起來都很吸引。部分菜式有相睇，感覺都唔錯唔係求其煮的素食。
壽司如果兩個人食或者開party，叫拼盤比較抵食喎，款式仲可以自選。外賣的話有個日式紙盒都幾骨子既。
第一次食所以揀左三款有大姆指推介的，一個人食晒十隻都幾飽肚，哈哈。堂食係用碟唔似場內其他食店用即棄紙碟，仲附好多wasabi同壽司豉油，非常令人滿意。
素軟殼蟹卷 (4件) HK$28
好耐無食過炸軟殼蟹卷！其中兩件手卷蟹腳炸晒出來，賣相非常吸引，入口味道都唔錯，脆脆軟殼蟹好足料，伴碟仲有醃薑片好有誠意。
素鰻魚牛油果卷 (4件) HK$30 / 芒果花之戀壽司 (2件) HK$24
這兩款應該都係招牌之選，賣相夠晒壓場！素鰻魚牛油果幾有層次，外面牛油果片好靚，中間除了素饅魚還有玉孩、青瓜和素魚生，飯量唔會太多，味道非常之好！
我本身就唔太鍾意食蒟蒻魚生既，但這個花之戀意外地非常好食！外面個素魚生唔係超彈牙果種，反而軟軟地有點似真魚，配埋芒果和沙律醬都幾好食。
知味駅的素食壽司卷物都係即叫即製，這天我就現場等了20分鐘左右，建議預先落單以免要等很久。驚現場座位坐得唔舒服叫外賣都唔錯架。
知味駅 (素食餐廳)
地址：深水埗欽州街37號西九龍中心8樓美食廣場33號舖
電話：94585190 (WhatsApp)
營業時間：11:00 - 19:30
Comments