.png)
梅貴緣由自助餐時代已經很受素食者歡迎，最近終於找到鋪位重開，新店只有幾個簡單面壁位堂食。餐點全部即叫即煮，外賣不想等太耐可以先打電話去落單，環保減廢也可以自己帶盒去買啦。到1月9日前都有新張八折優惠，可以叫多幾個小食。
基隆街近太子附近，我由公司行過去好近，非常方便！以後又多個地方可以買野食，太好了。
新張期間有八折優惠，之後加IG都有九折。餐牌重現返以前梅貴緣經典，有食開的熟客仔可以重溫返。
素小食就係以前自助餐的菜式，餃子都係自己包，咖哩魚蛋、薑醋就可以睇到成煲燉緊。
小菜都勁多選擇，加幾蚊就配埋白飯。
羅漢齋烏冬HK$58
好耐之前在梅貴緣吃過一次這個烏冬覺得好好食，然後佢地就結業無得食，等到重開終於可以再食，不過紅蘿蔔就無心型了XD。羅漢齋聽落好悶唔好食，其實呢個無素肉，個汁又惹味。烏冬配料有白菜仔、草菇、腐竹和豆腐，食落料多過麵好豐富。
椒鹽豆腐HK$38
好耐好耐之前去吃自助餐就會勁夾椒鹽豆腐食，佢真係做到超落脆皮，外脆內軟的口感，一餐食十幾二十粒絕對無問題，入口亦唔會覺得好油膩好熱氣㗎。
餐廳資料
緣素 Vegan Elements
地址：太子基隆街51號
電話：98891259
營業時間：12:00–22:00 (星期日休息)
Comments