.png)
素年最新分店你試左未？非常搶眼的紅白色裝修，必吃十 九幾種蔬菜本地有機野菌全日早餐，意粉和素三文魚蓋飯 亦非常出色。食物份量依然大大碟，最啱約幾個朋友叫多 幾款分享食！
太古地鐵站D1出口出來行幾分鐘就到，第一次來這邊，原來有咁多餐廳聚集。
紅色撞白色主題十分亮眼，也融入一些復古元素，店內座位比想像中多。
這天來吃午餐，主食只有6個選擇，望落全部都好想食。
小食類以炸物為主，飲品多元化，也有兩款純素甜品。
泰式炸蝦配香辣甜酸醬 HK$58
自家製素炸蝦其實是腐皮卷，入面塞滿蘿蔔絲，外皮炸得酥脆，配甜酸醬有點泰式風味。
炸魷魚圈配自家秘製酸瓜芥末蛋黃醬 HK$68
用蒟蒻做的素魷魚墨，脆皮夠薄，炸完也不會骨肉分離，配純素蛋黃醬非常好食，推薦要吃這道。
朱古力花生炸彈 HK$60 / 芒果樂園 HK$68
果昔飲品好精美，適合影相打卡。我飲的是芒果樂園，香甜芒果味，濃稠度適中，加了西柚都幾有趣。
意大利日曬番茄天貝蝴蝶粉 HK$118
望落簡單，實際上個意粉汁味道層次豐富，讓人一啖接一啖，食極唔會厭的意粉。天貝粒粒和西蘭花的份量也很足夠，整體吃起來很豐富。
十九幾種蔬菜有機本地野菌全日早餐 HK$158
很多人推薦的十九幾種蔬菜全日早餐，忘記數係唔係真係夠19種 XDD。不過車厘茄和番茄沙沙有計兩種啊，哈哈。這盤蔬菜都以吃食物原味為主，烹調上比較簡單，主要就係好多種蔬菜食，想吃特色料理不建議選這一道。
特濃朱古力蛋糕 HK$68
非常濃厚的朱古力蛋糕，味道不過不失，配搭多種水果和純素忌廉算有點心思。
HERE with YEARS
地址：太古城太裕路9號高安閣地下G517號舖
電話：66019577
營業時間：11:30 - 21:30
