.png)
荃灣最近開左間排隊餐廳，由辣西瓜沙律、粟米湯、酸種薄餅到意大利飯，素食者約朋友去影相打卡都可以有幾款野食。餐廳位於木化石園旁邊，所以都用木做主題，亦可以睇到幾百萬年歷史的木化石珍藏，仲可以順便嘆埋隔離咖啡店的靚咖啡。
最近很多人為左呢個高樓底靚裝修，特登去荃灣打卡。餐廳位於木化石公園如心園旁邊，並且與NOC Coffee 相連，極具話題性。
川辣西瓜沙律
沙律有兩款素食選擇，我就覺得呢個川辣西瓜比較特別，鮮甜多汁的西瓜，配上川式辣油出奇有趣，一啖可以刺激所有味蕾，清新又開胃。
北海道粟米薯仔湯
條蒜蓉包又香又脆又好食，粟米湯富蔬菜鮮甜，質地幼滑，飲完好滿足。
水牛芝士番茄薄餅
餐廳使用酸種薄餅底，食落係幾香幾好咬。這個經典水牛芝士薄餅望落簡單，食落好多芝士又有番茄酸甜，整體都幾高水準。
野菌意大利飯
素食者去食西餐最常見的黑松露意大利飯，上桌時會即席磨巴馬臣芝士，仲聞到黑松露香味。除左整朵菇菇玫瑰花，亦用左比較中式的本菇和白菇，飯量唔多食落亦軟硬適中，味道偏清淡。
椰棗焦糖布甸
甜品都幾有驚喜，上面係一球椰子雪糕，下面的蛋糕布甸索滿椰棗焦糖，甜就一定甜嘅，配咖啡剛剛好！
Latte因為同 NOC Coffee 相連，所以都問下咖啡係咪由 NOC 供應。結果係兩間鋪唔係一齊，外面NOC的食物由 Parkside@NINA 提供，如果 Parkside@NINA 的客人想飲 NOC Coffee，平日 Lunch Set 可以加錢轉，或者飲返 Parkside@NINA 自己餐廳的咖啡。
如果你近期想去食的話，打電話唔會有人聽，基本上只接受 walk-in 無得訂位，要等餐廳整好網上訂位系統先有得訂。
PARKSIDE@NINA
地址：荃灣楊屋道8號如心廣場一期2樓201號舖
電話：21174681
營業時間：12:00–17:00、18:00–21:30
+++++
Δ 版權所有 (歡迎轉貼連結。嚴禁全篇圖文轉載！)
Commentaires