.png)
鍾意食印度菜必須記低灣仔這間新派印度餐廳，粉色系裝修充滿活力，重點當然係餐牌上有多款素食/純素選擇！餐廳最近更以蔬果為主角，逢星期二推出素食大餐，包括一個蔬菜咖喱、飯、抓餅和醃漬蔬菜等滿滿一盤。5月新登場的主角是青芒果，想試下印度芒果咖哩就約朋友星期二lunch time去啦！
*套餐是蛋奶素，非純素。
由灣仔或金鐘地鐵站行過去係差不多距離，在大街上對著電車路非常顯眼。
粉色系的印度餐廳得年輕有活力的感覺，座位不多，最多都係坐到二十人左右，部分係吧檯位。
餐廳最近推出素食套餐，逢星期二午餐時間有得食，大廚會精選一個蔬果做主角，並圍繞它配搭套餐。4月的主角是茄子，5月則輪到芒果，主菜咖哩會用青芒果製作，聽落都幾有趣。
飲品必試當然係 Mango Lassi 和 Masala Chai，我兩樣都有試兩樣都好飲，mango lassi 酸甜適中，質地都好容易入口唔會太稀太稠，芒果香氣十足。香料奶茶奶味偏濃，香料唔算超勁，一般飲唔慣的人亦容易接受。熱奶茶用細杯上確保每啖都夠熱，當然都係無限添飲。
Pickled Aubergine Curry HK$138
本身好鍾意食茄子，所以非常期待。咖哩入面使用原隻印度茄子，入晒味又夠晒腍，亦唔會食到印度茄子的苦味。咖喱偏鹹唔會太辣，配飯或抓餅都一流。其餘配菜還有個扁豆咖哩、醃青瓜和乳酪，各個配件可混合一起吃沒有規則。
我想話個青瓜幾好食，平時唔鍾意青瓜的人覺得有驚喜，食落有蛋沙律味。
Kaapi Panna Cotta HK$68
甜品超推薦這個！它是香濃咖啡味撞擊焦糖味，質地有點似慕絲偏幼滑，越食越過癮。
Bengal Brothers
地址：灣仔莊士敦道6號文熙大廈地下D號舖
電話：92458774
營業時間：11:00–22:00
+++++
Δ 版權所有 (歡迎轉貼連結。嚴禁全篇圖文轉載！)
Comments