[香港有素食] 上環 | 好客山東

聽講呢間山東菜館有個素水餃好食，經過上環就去試下。家庭式風味小店，主打水餃之外也有麵食和小菜，當中都有一兩款可以做素食，如果多幾個朋友去可以試下。素水餃就得一款，可以淨食十隻水餃或者食水餃麵。即叫即煮大大隻，入面滿滿蔬菜又有幾條粉絲，帶少少油香，調味都做得唔錯。

上環啲巷仔入面都幾多特色小店，我自己平時就好少機會食山東菜，這天有少少肚餓又唔想食得太豐富，諗起呢間有水餃食都唔錯。

非繁忙食飯時間，店內比較悠閒。小店裝修好街坊，沒甚麼華麗之處，應該係吃實力。

望餐牌其實無咩素食選賣，部分可以算係方便素，基本上只有素水餃肯定素食。

花素水餃HK$60(10隻)

水餃貌似即叫即蒸，熱辣辣又肥肥白白，望落好吸引。

入面係蔬菜大餐加點粉絲，食落麻油味幾重手，我覺得香口好味，如果你唔鍾意麻油就唔建議啦。水餃粒粒足料飽滿，計返6蚊隻算抵食，經開上環可以食下。

好客山東

地址：上環畢街17號號地下

電話：25620185

營業時間：11:30–22:00 (星期日休息)

+++++

相關文章