.png)
喜歡吃上海菜的先存下！最近有著名上海菜館推素食菜式，餐牌上有成十道料理，由湯羹、前菜、點心到主菜都有，使用新豬新牛新魚好多元化，可以約幾個朋友去食呀。特別要留意返小籠包有魚膠粉，菜式亦有五辛(可走)，落單時要講清楚啊。
來到銅鑼灣利園二期商場，搭扶手電梯上一樓就見到。
裝修是高級中式餐館，有不同設計的座位區，無論二人世界或者家族聚會都適宜。
入面較光猛和大圍檯的區域。
這次十里洋場跟Omnifood合作推出全新素食系列，將經典上海菜式變成素食。
清滋新蟹肉冬茸羹HK$88(每位)
這個真的很清新啊！我本身都喜歡吃冬瓜，這個啖啖冬瓜清爽好味，又有粒粒毛豆咬下，新蟹肉其實就唔太覺眼，間中有一絲半絲咁樣。
金牌新豬肉蟹肉小籠包 HK$68
留意返小籠包入面個餡有落魚膠粉，無得走，所以素食者其實不宜。
爆汁新牛肉餅 HK$78
食的時候唔記得佢個名有爆汁，原來真係入爆出來，入面成餅新牛肉，個汁都調得幾香口惹味，味道都令人滿足。
新蟹肉毛豆賽螃蟹 HK$188
賽螃蟹即是用蛋白扮蟹，這個再加埋新蟹肉，個名好多蟹但實際上完全無蟹，真係色即是空空即是色。我很喜歡吃這道，滿滿蛋白質，拌了醋之很清爽好味，食完唔會有負擔之選。
新豬肉乾煸四季豆HK$148
賣相超吸引的一道菜，看起來炒得很香很好味，新豬肉爆得偏乾身，中間還有一些筍絲，味道唔算太鹹，唔配飯都接受到。
家鄉新牛肉麻婆豆腐 HK$138
真係有少少辣的麻婆豆婆，吃過原版的朋友就跟葷食版味道一樣，豆腐很滑，新牛肉份量好多，屬重口味之選。
鳳梨脆皮新魚柳 HK$168
酸甜汁煮的炸魚塊，好多菠蘿和三色椒，個汁酸酸甜甜好好食，炸魚的粉漿也不會太厚，吃肉的朋友第一次食素魚，表示真係有魚味很神奇。
餐廳資料
十里洋場 10 Shanghai
地址：銅鑼灣恩平道28號利園二期1樓101號舖
電話：23385500
營業時間：11:30–15:30、18:00–23:30
Comments