.png)
紅磡這間貝果三文治以爆餡見稱，自家烘焙酸種貝果有多種口味，可任意配搭成特色三文治。餐牌上有三幾款素食之選，仲竟然有鷹咀豆泥抹醬。除了吃三文治也可以買貝果回家吃，經過紅磡可以吃吃看。
地點在紅磡啟岸附近，後面的橫街內，店面要落幾級樓梯所以少少隱秘。
入面有少量座位可以堂食，不過我見大部分都係外賣帶走。
黑板上有各款貝果三文治詳細內容，亦有照片可以參考，網上最多人打卡芋泥麻糬果啲，我就唔好果味嘅。
素食可以揀菠菜厚蛋、鷹咀豆泥和牛油果蛋，亦有沙律可以吃。
想飲咖啡都可以，買三文治＋飲品有九折。
手工貝果展示櫃，上面兩行都係酸種貝果，最底一行有甜食和特別口味，三文治可以任揀貝果配搭，會計返差價。牌上面有寫晒成分，食得放心。
亦有各種忌廉芝士抹醬，最特別係有鷹咀豆泥。
牛油果與蛋配芝士貝果 / 熱拿鐵 HK$88.4
這款是牛油果、煎蛋加鷹咀豆泥，本來想加芝士不過見有芝士貝果就一舉兩得，不過我覺得貝果芝士味唔算太香，略略有點焗得over咗。鷹咀豆泥存在感不太強，隱約食到少少味，牛油果偏生。
咖啡水準都係一般唔好期待有精品質素。
整體來說就中規中距，影相係幾靚嘅，同埋如果你鍾意食芋泥果啲可能有吸引之處掛。
Bagel Gogo
地址：紅磡崇志街35號
電話：66792716
營業時間：09:30–20:00(星期一至五)、10:00–19:00 (星期六至日)
Comments