[邊度有素食] 旺角 | 景霖正宗四川麻辣米線

這間四川麻辣米線有幾間分店，最特別係供應健康素食套餐，提供一款天然清新素湯底，可以揀辣或唔辣。套餐米線勁大碗好多料，五十零蚊有飲品十分飽肚。自選米線同下午茶都可以揀素湯底，素食配料亦好多選擇㗎。

旺角店在The Top商場隔離一條街，我都bookmark左好耐，見近近地行過去食lunch。

下午兩點幾才到，已經過左午市繁忙時間，做緊特價下午茶，店內唔算好多人，完全唔需要等位。

米線可以自己任選配料，蔬菜和素食類都有成二十款，想食咩都有。起初唔肯定這個有無素湯底，後來見隔離檯叫下午茶揀兩款素料，阿姐主動問係唔係食齋，仲幫佢做素湯底，非常細心又好服務。

餐牌豐有一版係健康素食，三款素食米線套餐，配料其實差不多，睇你想食流心芋頭丸定腐皮鮮竹卷。

素食套餐B HK$53 / 腐乳通菜 HK$20

食多啲綠色蔬菜，另外叫多個腐乳通菜，食完勁飽又多菜，埋單都只係七十幾蚊。

腐皮鮮竹卷、百頁豆腐和素貢丸各乘二，食落全部都好食嘅，尤其個腐皮鮮竹卷入面好豐富。我叫左唔辣的素湯底，飲落係幾清新，唔會覺得勁重味精，清淡得來亦有味。

整體來說我覺得好食過坦仔個素湯米線，可以mark低去食下。

餐廳資料

景霖正宗四川麻辣米線

地址：旺角通菜街114號

電話：23809588

營業時間：11:00–23:00